Tett i teten i kunnskapstevlinga om Rasmus Løland
Av Redaksjonen 17.feb.2010
Kunnskap om Rasmus Løland sitt liv og forfattarskap står sentralt i Noregs Ungdomslag si kunnskapstevling for 2010.
Resultata frå fyrste runde av kunnskapstevlinga ”Kven veit?” viser at det er tett i teten. Fana UL/Kirkevoll skule toppar juniorlista, medan Røstkvervet Ungdomslag leiar seniorklassen.
"Kven veit?" er ei kunnskapstevling der ein får testa allmennkunnskapane sine. Gjennom tre tevlingsrundar svarar deltakargruppene på spørsmål om til dømes politikk, kultur, sport og underhalding, i tillegg ein tema-del, der kunnskap om Rasmus Løland står sentralt i 2010.
15 juniorlag og 77 seniorlag er involvert i kunnskapstevlinga. Studiemateriellet er utvikla av Norsk Barneblad, Rasmus Løland-markeringa og Noregs Ungdomslag.
Neste runde vert avvikla i veke 8. Les meir hjå Noregs Ungdomslag.
Fleire Nyhende
